У інспекцыі Міністэрства па падатках і зборах па Цэнтральным раёне г. Гомеля адбылося мерапрыемства, прысвечанае Дню народнага адзінства і адзінаму дню інфармавання.

Перад супрацоўнікамі выступіла запрошаны эксперт — старшы выкладчык кафедры эканомікі і кіравання эканамічнага факультэта ГДУ імя Ф. Скарыны, кандыдат эканамічных навук Лін Святлана Дзмітрыеўна. Яна выступіла з дакладам на тэму «Дзень народнага адзінства як фактар нацыянальнага гонару».

Супрацоўнікі інспекцыі з цікавасцю выслухалі выступленне і падзякавалі лектару.

Акрамя таго, напярэдадні свята супрацоўнікі інспекцыі наведалі выставу, арганізаваную ў бібліятэцы імя Герцэна, пад назвай «Вялікі народ, калі народ адзіны!». Экспазіцыя пазнаёміла наведвальнікаў з гістарычнымі матэрыяламі, дакументамі і выданнямі, якія расказваюць пра шлях беларускага народа да адзінства і незалежнасці. Наведванне выставы выклікала жывую цікавасць у супрацоўнікаў і спрыяла больш глыбокаму разуменню значэння адзінства для сучаснай Беларусі.

Правядзенне падобных сустрэч і ўдзел у культурных мерапрыемствах маюць важнае значэнне для ўмацавання адзінства грамадства, павышэння ўзроўню інфармаванасці грамадзян і фарміравання актыўнай грамадзянскай пазіцыі. Такія падзеі спрыяюць захаванню грамадскай згоды і ўсведамленню кожным грамадзянінам сваёй ролі ў развіцці краіны.